Sumarúthlutun orlofshúsa 2024

Kæru félagar.

Umsóknir fyrir sumarúthlutun orlofshúsa Stjórnendafélags Suðurnesja, hefst þann 28. febrúar og stendur til 11. mars. Á þeim tíma er hægt að sækja um orlofshúsin okkar, að Furulundi 13b á Akureyri, Álfsteinssundi 20 í Hraunborgum í Grímsnesi og Öldubyggð 5 við Svínavatn í Grímsnesi.

Sumarleiga orlofshúsa er frá miðvikudegi, kl. 16:00 til miðvikudags, kl. 12:00, á tímabilinu 29. maí til 11. september 2024. Verð fyrir hverja viku er kr. 34.000.

Sótt er um á Orlofsvefnum Frímann og þarf að skrá sig inn með rafrænum skilríkjum. Farið er eftir punktum umsækjenda við úthlutun. https://www.orlof.is/vssi/site/apply/apply.php

Tölvupóstur verður sendur til allra umsækjenda að úthlutun lokinni. Þeir sem fá úthlutað orlofshúsi, fá póst með greiðsluupplýsingum. Greiðslufrestur er til 13. mars.

Þeir sem ekki fá úthlutað, fá tækifæri til að sækja um lausar vikur, á tímabilinu 14. mars – 18. mars. Greiða skal fyrir seinni úthlutun fyrir 19. mars.

Þann 19. mars verða allar óseldar og ógreiddar vikur í sumar, settar í opna sölu inn á Orlofsvefinn Frímann og geta þá allir félagar í öllum aðildarfélögunum sótt um orlofshús og þá gildir reglan fyrstur kemur, fyrstur fær.

f.h. Stjórnendafélags Suðurnesja

Þórmar Viggósson varaformaður